សាកលវិទ្យាល័យវិទ្យាសាស្ត្រជីវិតឆែក(CULS) បានធ្វើទស្សនកិច្ចនៅសាកលវិទ្យាល័យបាត់ដំបង

On Wednesday, March 28th, 2018 in Official Visiting. No Comments

នៅព្រឹកថ្ងៃសុក្រ ០៨កើត ខែចេត្រ ឆ្នាំរកា នព្វស័ក ព.ស ២៥៦១ ត្រូវនឹងនៅថ្ងៃទី 23 ខែមីនាឆ្នាំ 2018 សហសេវិកពីររូបគឺ Mr. Hynek Roubik និងMs. Anna Brunerová មកពីសាកលវិទ្យាល័យវិទ្យាសាស្ត្រជីវិតឆែក (CULS) បានធ្វើទស្សនកិច្ចនៅសាកលវិទ្យាល័យបាត់ដំបង។ គោលបំណងនៃដំណើរទស្សនកិច្ចនេះគឺដើម្បីពង្រីកកិច្ចសហប្រតិបត្តិការរវាងស្ថាប័នទាំងពីរ និងបង្កើតបណ្តាញស្រាវជ្រាវរវាង UBB និងCULS ។ Mr. Hynek Roubik និងMs. Anna Brunerová ត្រូវបានស្វាគមន៍ដោយ លោកបណ្ឌិត ជា រដ្ឋា ប្រធានទំនាក់ទំនងអន្តរជាតិ ជំនួសនាមលោកជំទាវ សៀម ឯមទទឹម សាកលវិទ្យាធិការ នៃសាកលវិទ្យាល័យបាត់ដំបង ។ ក្នុងអំឡុងពេលទស្សនកិច្ចនេះពួកគេមានឱកាសដ៏ល្អដើម្បីជួប និងពិភាក្សាជាមួយសហការី ៗ ជាច្រើនមកពី មហាវិទ្យាល័យ កសិកម្ម និងកែច្នៃអាហារ រួមទាំងមហាវិទ្យាល័យសង្គមសាស្រ្ត និងការអភិវឌ្ឍសហគមន៍ដើម្បីស្វែងយល់នូវអ្វីដែលយើងកំពុងធ្វើនៅទីនេះ នៅក្នុង UBB និងកម្មវិធីសិក្សាទូទៅ និងការស្រាវជ្រាវជាទូទៅនៅក្នុង UBB បើប្រៀបធៀបទៅនឹង CULS ។ ទន្ទឹមនឹងនេះដែរ Mr. Hynek Roubik និងMs. Anna Brunerováត្រូវបានUBBអញ្ជើញឱ្យទៅធ្វើទស្សនកិច្ចនៅមន្ទីរពិសោធន៍ និងសកម្មភាពដែលទាក់ទង នឹងការស្រាវជ្រាវដទៃទៀតនៅក្នុង បរិវេណសាលា និងនៅកសិដ្ឋានពិសោធន៍ UBB ដែលមានទីតាំងប្រហែល ១៥ គីឡូម៉ែត្រ ពីក្រុងបាត់ដំបង។ សហសេវិកមកពី CULS មានការភ្ញាក់ផ្អើលដែល UBB សម្រេចបានរហូតមកដល់ពេលនេះហើយពួកគេ នឹងរាយការណ៍ពីចំណុចពិភាក្សាទាំងអស់ដូចជា វិញ្ញាបនប័ត្រផលិតផលកសិកម្មជាមួយ សហការីរបស់ពួកគេនៅ ទីក្រុងPrague ដើម្បីរៀបចំសំណើស្នើសុំមូលនិធិពី ទីភ្នាក់ងារអភិវឌ្ឍន៍ប្រទេសឆែក ដើម្បីបង្កើនកិច្ចសហប្រតិបត្តិការកាន់តែច្រើនរវាង UBB និងCULS ។ ក្នុងនាមសាកលវិទ្យាល័យបាត់ដំបង យើងខ្ងុំសូមអរគុណដល់ CULS ដែលបានជ្រើសរើស UBB ជាដៃគូសហការ និងសហការីរបស់របស់យើង Mr. Hynek Roubik និងMs. Anna Brunerová សម្រាប់ការចំណាយពេលដ៏មានតម្លៃរបស់ពួកគេដើម្បីមកទស្សនានិងសិក្សាពីសក្តានុពលរបស់ UBB ។


Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.


ព័ត៌មានទូទៅ